உயர் வருவாய் பிரிவினர் நீக்கம் பற்றி திமுக உயர்நிலைக் குழுவில் முடிவு

சென்னை, ஏப். 17: 27 சதவீத இட ஒதுக்கீட்டில் உயர் வருவாய் பிரிவினர் நீக்கம் பற்றி வெள்ளிக்கிழமை நடைபெற உள்ள திமுக உயர்நிலைக் கூட்டத்தில் முடிவு செய்யப்படும் என்று முதல்வர் கருணாநிதி தெரிவித்தார். பேரவையில் வியாழக்கிழமை இது குறித்து நடைபெற்ற விவாதம்:

ஜி.கே. மணி (பாமக):

மத்திய அரசின் உயர் கல்வி நிறுவனங்களில் இதர பிற்படுத்தப்பட்ட மக்களுக்கு 27 சதவீத இட ஒதுக்கீட்டை உறுதி செய்து உச்ச நீதிமன்றம் அளித்துள்ளது.ஆனால் இந்த இட ஒதுக்கீட்டில் இருந்து உயர் வருவாய் பிரிவினரை நீக்கும் "கிரீமி லேயர்' முறை இருப்பது சரியல்ல.

திமுகவைச் சேர்ந்த மத்திய அமைச்சர் டி.ஆர்.பாலு இந்த இட ஒதுக்கீட்டுக்கான வருமான வரம்பை அதிக ரிக்க வேண்டும் என்று கூறியதாக செய்திகள் வந்துள்ளன. இது வருத்தம் அளிக்கிறது. "கிரீமி லேயர்' முறையை நீக்க வேண்டும் என்பதை வலியுறுத்தி சட்டப் பேரவையில் தீர்மானம் நிறை வேற்ற வேண்டும்.

முதல்வர் கருணாநிதி:

மத்திய அமைச்சர் டி.ஆர். பாலு "கிரீமி லேயர்' பற்றி பேசும்போது, வேண்டுமானால் வருமான உச்சவ ரம்பை அதிகமாக வைத்துக் கொள்ளுங்கள் என்று சொன்னதாக பத்திரிகையில் வந்ததை ஜி.கே. மணி இங்கே சுட்டிக் காட்டினார். டி.ஆர். பாலு அப்படி சொல்லியிருந்தால் அது தவறு. அது திமுகவின் கொள்கை அல்ல.

"கிரீமி லேயர்' வேண்டாம் என்பதுதான் திமுகவின் கொள்கை. 27 சதவீத இட ஒதுக்கீட்டை உச்ச நீதிமன்றம் ஏற்றுக் கொண்டுள்ளது. இது நமக்கு அளவில்லாத மகிழ்ச்சியைத் தருகிறது. "கிரீமி லேயர்' இருக்கிறது என்பதற்காக அந்த மகிழ்ச்சியை நாம் கைகழுவி விடக் கூடாது. இந்த மகிழ்ச்சியோடு கவலை யும் இருக்கிறது. அதை நாம் போக்க வேண்டும். அது பற்றி கூட்டணிக் கட்சி நண்பர்களோடு பேசி நல்ல முடிவை எடுப்போம். வெள்ளிக்கிழமை (ஏப்ரல் 18) நடக்க உள்ள திமுக உயர்நிலைக் கூட்டத்தில் இது பற்றி முடிவு செய்யப்படும்.

சோனியா காந்தியுடன்...:

இந் தப் பிரச்னை குறித்து ஐக்கிய முற் போக்குக் கூட்டணியின் தலைவர் சோனியா காந்தி, பிரதமர் மன் மோகன் சிங், மனிதவள மேம்பாட்டுத் துறை அமைச்சர் அர்ஜுன் சிங் ஆகியோரிடம் தொலை பேசியில் பேசியுள்ளேன். இதில் நாம் படிப்படியாக முன்னேறு வோம் என்று அவர்கள் நம்பிக்கையான உறுதிமொழி அளித்திருக்கிறார்கள்.எதிர்கால சந்ததியினரை கல்வி துறையில், சமுதாயத் துறையில், சமூக நீதி துறையில் காப்பாற்ற வேண்டிய பெரும் பொறுப்பை நாம் கைவிட்டு விடக்கூடாது. அதற்காகத்தான் நாம் பொறுமையாக இருக்கிறோம் என்றார்.